სამოქალაქო განვითარების ინსტიტუტი თანამშრომლობას გთავაზობთ 

2012 წლის 21 და 22 სექტემბერს სამოქალაქო განვითარების ინსტიტუტი აწყობს თბილისის საზოგადოებასთან და მედიასთან ოთხ შეხვედრას სასტუმროში „თბილისი მარიოტი“ (რუსთაველის გამზირი 13), თამარ მეფის დარბაზში.

შეხვედრები გაიმართება გაეროს დემოკრატიის ფონდის (UNDEF) მიერ მხარდაჭერილი პროექტის ფარგლებში, რომლის მიზანია  პროფესიონალი და მოქალაქე ჟურნალისტების თანამშრომლობა 2012 წლის 1 ოქტომბრის საპარლამენტო არჩევნების გასაშუქებლად.

პროექტი ხორციელდება საქართველოს 11 ქალაქში. უკვე ჩატარდა შეხვედრა 1200 მოქალაქესთან გორში, გურჯაანში, ახალციხეში, ხარაგაულში, ქუთაისში, ლანჩხუთში, ოზურგეთში, ბათუმში, ფოთსა და ზუგდიდში.

21-22 სექტემბერს უკვე თბილისის საზოგადოებას ვთავაზობთ, ჩაერთონ არჩევნების გაშუქების ერთიან სისტემაში და მოგვაწოდონ მათ ხელთ არსებული მასალა, როგორც მოქალაქე ჟურნალისტებმა (დაწვრილებით…)

ტელეკომპანიებისა და საზოგადოების საინფორმაციო პრიორიტეტების შესაბამისობის კვლევა

შუალედური ანგარიში (აპრილი-ივლისი)

იხილეთ ანგარიში

გამოხმაურება: Netgazeti.ge

, Media.ge

ფონდი ”ღია საზოგადოება-საქართველო” – ს დაფინანსებით 1 აგვისტოდან დაიწყო ახალი  პროექტი – ,,დებატები განათლებისა და ინტეგრაციისათვის“

პროექტის მიზანია საოჯახო ტიპის ბავშვთა სახლების აღსაზრდელების საგანმანათლებლო მხარდაჭერა  და ინტეგრაცია ფორმალური დებატების სწავლების გზით, რათა მოზარდებმა განივითარონ ინტელექტუალური და სოციალური უნარ-ჩვევები.

(დაწვრილებით…)

“დებატები განათლებისა და ინტეგრაციისათვის”

ფონდი ”ღია საზოგადოება-საქართველო” – ს დაფინანსებით 1 აგვისტოდან დაიწყო ახალი  პროექტი – ,,დებატები განათლებისა და ინტეგრაციისათვის“

პროექტის მიზანია საოჯახო ტიპის ბავშვთა სახლების აღსაზრდელების საგანმანათლებლო მხარდაჭერა  და ინტეგრაცია ფორმალური დებატების სწავლების გზით, რათა მოზარდებმა განივითარონ ინტელექტუალური და სოციალური უნარ-ჩვევები.

რუსთავში, თელავსა და  ქუთაისში – ოჯახური ტიპის ბავშვთა სახლებში  დაფუძნდა დებატკლუბები, სადაც ფორმალური დებატების გამოცდილი ტრენერები მოზარდებს დებატების ტექნიკას ასწავლიან.  (დაწვრილებით…)

 “გაერთიანებული ერების დემოკრატიის ფონდის (UNDEF) მხარდაჭერით სამოქალაქო განვითარების ინსტიტუტი ახორციელებს პროექტს სახელწოდებით- ,,მოქალაქე ჟურნალისტები გამჭვირვალე და სამართლიანი არჩევნებისთვის“.

პროექტის ფარგლებში 2012  წლის 30 აგვიტო- 2 სექტემბრის ჩათვლით სასტუმრო  ,,სიმპათიაში“ გაიმართა ტრენინგი  საარჩევნო საკითხებთან დაკავშირებით. ტრენინგზე მონაწილეობა მიიღო 20 ჟურნალისტმა

(დაწვრილებით…)

პროფესიონალური მედია არჩევნებისთვის

სამოქალაქო განვითარების ინსტიტუტი   პროგრამის  “პროფესიონალური მედია არჩევნებისთვის” ფარგლებში ახორციელებს  ონლაინ მედია საშუალებების მონიტორინგს. წინასაარჩევნო მედია მონიტორინგი ხორციელდება ევროკავშირისა და გაეროს განვითარების პროგრამის მიერ დაფინანსებული პროექტის ფარგლებში.

პროგრამის მთავარი მიზანია საპარლამენტო და საპრეზიდენტო არჩევნების პერიოდში, პროფესიული, მიუკერძოებელი და დაბალანსებული მედია გაშუქების ხელშეწყობა მონიტორინგის გზით. ხორციელდება ქართული ტელე, რადიო, ბეჭდური და ონლაინ მედია საშუალებების რაოდენობრივი და თვისებრივი წინასაარჩევნო მონიტორინგი. მონიტორინგს ახორციელებენ ავტორიტეტული სლოვაკური კომპანია “მემო 98″-ის  მიერ დატრენინგებული ადგილობრივი არასამთავრობო ორგანიზაციები. (დაწვრილებით…)

2012 წლის 25-31 აგვისტოს დაბა ურეკში ჩატარდა ტრენინგი თემაზე:  „1-6 კლ მათემატიკის მასწავლებლების მომზადება მასწავლებლის საგნობრივი სტანდარტის  მოთხოვნების შესაბამისად“. ტრენიგს ესწრებოდნენ  დაწყებითი საფეხურის მასწავლებლები თბილისიდან, ქუთაისიდან, მარნეულიდან, ამბროლაურიდან, თელავიდან. სულ 15 პედაგოგი, რომელთა ნაწილი ჩართულია სამოქალაქო განვითარების ინსტიტუტის მიერ გახორციელებული პროექტების: საერთაშორისო პროექტი - „არც ერთი ბავშვი ზოგადი განათლების გარეშე“ წიგნიერების, რაოდენობრივი აზროვნებისა და სასიცოცხლო უნარ-ჩვევების საბაზისო მოდელის შემუშავება (დონორი: ღია საზოგადოების ინსტიტუტი -OSI) და „ახალი შესაძლებლობები საგანმანათლებლო საჭიროებების მქონე ბავშვებს“ (დონორი: ევროკომისიის წარმომადგენლობა საქართველოში-EU).

(დაწვრილებით…)

საერთაშორისო შეხვედრა პროექტის: „არც ერთი ბავშვი ზოგადი განათლების გარეშე“ ფარგლებში

2012 წლის 21,22,23 აგვისტოს თბილისში სასტუმრო „პრესტიჟი“-ს საკონფერენციო დარბაზში მიმდინარებდა სამუშაო შეხვედრა, რომელშიც მონაწილეობდა ქართული და აზერბაიჯანული მხარე. შეხვედრა მოეწყო ფონდ: ღია საზოგადოების ინსტიტუტის მიერ დაფინანსებული საერთაშორისო პროექტის: „არც ერთი ბავშვი ზოგადი განათლების გარეშე-(წიგნიერების, მათემატიკური წიგნიერების და სასიცოცხლო უნარ-ჩვევების საბაზისო მოდელის შემუშავება)“ ფარგლებში.

შეხვედრის მონაწილეებმა განიხილეს ის შედეგები, რომლებიც მიღწეულ იქნა 2011-2012 სასწავლო წლის პერიოდში, როდესაც ხდებოდა სამ საგანში (წიგნიერება-ავტორები: პაატა პაპვა, თამარ ჭანტურია; მათემატიკური წიგნიერება-ავტორი: ეკატერინე კორძაძე; სასიცოცხლო უნარები -ავტორი: ნაზაკეტ მეჰდიევა) შექმნილი დამხმარე სახელმძღვანელოების აპრობაცია საქართველოსა და აზერბაიჯანში.
(დაწვრილებით…)

ტელეკომპანიებისა და საზოგადოების საინფორმაციო პრიორიტეტების შესაბამისობის კვლევა

 მეათე პერიოდი:  3-17 აგვისტო, 2012 წ.

იხილეთ კვლევა

ტელეკომპანიებისა და საზოგადოების საინფორმაციო პრიორიტეტების შესაბამისობის კვლევა

მეცხრე პერიოდი:  20 ივლისი – 2 აგვისტო, 2012წ

იხილეთ კვლევა