პროექტის – ,,ახალი შესაძლებლობები საგანმანათლებლო საჭიროებების მქონე ბავშვებს“ – შედეგების პრეზენტაცია

2013 წლის 21 მაისს, 14:00-ზე სამოქალაქო განვითარების ინსტიტუტი გამართავს ,,ევროკავშირის’’ მხარდაჭერით მიმდინარე პროექტის – ,,ახალი შესაძლებლობები საგანმანათლებლო საჭიროებების მქონე ბავშვებს“ – შედეგების პრეზენტაციას.

მოწვეულ სტუმრებს წარვუდგენთ პროექტის ძირითად შედეგებს, გამოცემულ პუბლიკაციებსა და ვისაუბრებთ მათი დანერგვის აუცილებლობაზე საგანმანათლებლო სფეროში.

თბილისში, მარნეულსა და ამბროლაურში 2012-2013 წელს მუშაობდა საგანმანათლებლო კლუბები ზოგადსაგანმანათლებლო სკოლის მოსწავლეებისთვის.

მონაწილეობა მიიღო 300-მდე მოსწავლემ და 150-მდე მასწავლებელმა.

პროექტის ფარგლებში გამოიცა სახელმძღვანელოები მასწავლებლებისა და მოსწავლეებისთვის წიგნიერებაში, მათემატიკურ წიგნიერებაში, სასიცოცხლო უნარებში, სამოქალაქო წიგნიერებაში და ინფორმაციულ წიგნიერებაში, სულ 10 სახელმძღვანელო.

მომზადებულია მასწავლებელთა პროფესიული განვითარების პროგრამები თითოეული მიმართულებისთვის.

იხილეთ პრეზენტაციის პრესრელიზი.

ღია საზოგადოების ინსტიტუტის (OSI) მხარდაჭერით 2013 იანვარში, სტამბულში დაფუძნდა ბავშვთა კავკასიური ქსელი. ქსელში გაერთიანებულია 15 არასამთავრობო ორგანიზაცია საქართველოდან, სომხეთიდან, აზერბაიჯანიდან და ჩრდლიოეთ კავკასიიდან. ეს ორგანიზაციები 2008 წლიდან თანამშრომლობენ ღია საზოგადოების ინსტიტუტთან  და ახორციელებენ საგანმანათლებლო პროექტებს.

სამოქალაქო განვითარების ინსტიტუტი არის ქსელის წევრი და  2013 წელს მასპინძლობს ქსელის შეხვედრებს საქართველოში.

2013 წლის მაისში დაგეგმილია რიგით მეორე შეხვედრის ჩატარება თბილისში, სადაც დაგეგმილია შემუშავდეს ქსელის საზოგადოებასთან თანამშრომლობის სტრატეგია.

ამ მიზნით ღია საზოგადოების ინსტიტუტი ეძებს საზოგადოებასთან ურთიერთობის სპეციალისტს. დეტალური ინფორმაცია იხილეთ ბმულში.

Caucasus Network CNC_PR expert_PR training May 2013_TOR

2013 წლის 9-10 მარტს ქალაქ გორში ჩატარდა ტრენინგი მასწავლებელთათვის “სასიცოცხლო უნარებში”.

ტრენინგი დაიწყო მსმენელთა რეგისტრაციით, მისალმებით, გაცნობის აქტივობით.  მსმენელებს დაურიგდათ პროექტის ფარგლებში მომზადებული სახელმძღვანელო „სასიცოცხლო უნარები“.

ტრენინგ-პროგრამის პრეზენტაციის შემდეგ მოხდა  დღის წესრიგით გათვალისწინებული თემების  და შესაბამისი პრაქტიკული სავარჯიშოები განხილვა. ტრენინგი მეტად აქტუალური აღმოჩნდა და მიმდინარეობდა ინტერაქტიურ რეჟიმში. დისკუსიისას მასწავლებლები აქტიურად იყენებდნენ საკუთარ გამოცდილებასა და მსჯელობისას ხშირად იშველიებდნენ პრაქტიკულ (საკუთარი კლასისა და სკოლის, კოლეგების) მაგალითებს. მოხდა ისეთი სასიცოცხლო უნარების განხილვა და გააზრება, როგორიცაა კომუნიკაცია, გადაწყვეტილების მიღება, ასერტიული ქცევა, კონფლიქტების მართვა.

შეფასების ფორმების ანალიზიდან გამომდინარე შეიძლება ითქვას, რომ მონაწილეთა უმრავლესობის მიერ ტრენინგის თითოეული მიმართულება შეფასებულა მაქსიმალური 4 ქულით. მონაწილეთა თითქმის ნახევარი თვითკრიტიკული აღმოჩნდა და შესაბამისად თავიანთი აქტიურობა ტრენინგზე შეფასებული აქვთ 3 ქულით.  მონაწილეთა უმრავლესობა კომენტარებში აღნიშნავს, რომ ისინი ძალიან კმაყოფილები არიან და მიღებული ინფორმაციას აუცილებლად გამოიყენებენ თავიანთ სასკოლო პრაქტიკაში.

ტრენინგს სკოლის პედაგოგების გარდა ესწრებოდნენ სხვადახვა ტიპის საგანამანთლებლო ცენტრების წარმომადგენლები, განსაკუთრებული საჭიროების მქონე მოზარდებთან მომუშავე ადამიანები, საბავშვო ბაღების წარმომადგენლები. მათმა აქტიურმა ჩართვამ ტრენინგის პროცესში და რეალური პრაქტიკული მაგალითების მოშველიებამ ძალიან აქტუალური გახადა ტრენინგის მიზნები. ასეთი ტიპის ტრენინგები მასწავლებლებთან ემსახურება ისეთი უნარ-ჩვევების განვითარებას, რომელიც მათ პროფესიულ ზრდას განაპირობებს. მათი შემართება და ტრენინგზე გამოვლენილი დამოკიდებულებები მაფიქრებინებს, რომ ისინი მომავალშიც ასეთივე ინტერესით გააგრძელებენ აქტუალური საკითხების განხილვასა და მსჯელობაში მონაწილეობას, ასევე, მოსწავლეების  სასიცოცხლო უნარების განვითარებაზე ზრუნვას .

2013 წლის 9-10-11 თებერვალს ქ. თბილისში, სასტუმრო თორში, პროექტის „ახალი შესაძლებლობები საგანმანათლებლო საჭიროების მქონე ბავშვებს“ ფარგლებში ჩატარდა ტრენინგი: „სასიცოცხლო უნარები“.  პროექტი დაფინანსებულია ევროკავშირისა და ღია საზოგადოების ინსტიტუტის მიერ. ტრენინგში ჩართული იყვნენ როგორც საჯარო, ასევე კერძო სკოლის პედაგოგები. მსმენელებს წარედგინათ პროექტის ფარგლებში მომზადებული სასიცოცლო უნარების სახელმძღვანელო. ტრენინგს უძღვებოდა განათლების ექსპერტი თამარ ხატიაშვილი.

ტრენინგზე განხილულ იქნა ისეთი სასიცოცხლო უნარები, როგორიცაა კომუნიკაცია, გადაწყვეტილების მიღება, ასერტიული ქცევა, კონფლიქტების მართვა.  ტრენინგის მონაწილეებს მრავალფეროვან სატრენინგო მასალასთან ერთად დაურიგდათ, სამოქალაქო განვითარების ინსტიტუტის მიერ პროექტის ფარგლებში მომზადებული წიგნი – ”ბავშვზე ორიენტირებული სკოლის გზამკვლევი”.

2013 წლის 9 და 10 თებერვალს ქ.გორში ჩატარდა ტრენინგი: „კლასის მართვის თეორიული და პრაქტიკული ასპექტები“  არასამთავრობო ორგანიზაცია “ბილიკის” საკონფერენციო დარბაზში.  ტრენინგში ჩართული იყვნენ: საჯარო სკოლის, კერძო სკოლის და საპატრიარქოს სკოლის პედაგოგები. ტრენინგი  დაიწყო  მსმენელთა რეგისტრაციით, მისალმებით, გაცნობის აქტივობით. მსმენელებს დაურიგდათ პროექტის ფარგლებში მომზადებული სახელმძღვანელოები. შემდეგ მოხდა ტრენინგ-პროგრამის პრეზენტაცია. ტრენინგი ჩაატარა მოწვეულმა ექსპერტმა მანანა ბოჭორიშვილმა.

ტრენინგი  მიმდინარეობდა  აკრედიტებული მოდულის შესაბამისად. ტრენინგის მონაწილეებს მრავალფეროვან სატრენინგო მასალასთან ერთად დაურიგდათ, სამოქალაქო განვითარების ინსტიტუტის მიერ პროექტის „ბავშვზე ორიენტირებული სკოლის ადვოკატირება” ფარგლებში მომზადებული წიგნი  ”ბავშვზე ორიენტირებუ;ი სკოლის გზამკვლევი”.

სამოქალაქო განვითარების ინსტიტუტის კონკურსის შედეგები

სამოქალაქო განვითარების ინსტიტუტი, გაეროს დემოკრატიის  ფონდის (UNDEF) მხარდაჭერით ახორციელებს პროექტს „მოქალაქე ჟურნალისტები გამჭვირვალე და   სამართლიანი არჩევნებისთვის“.

სამოქალაქო განვითარების ინსტიტუტი აცხადებდა კონკურსს 3 საგაზეთო სიღრმისეულ რეპორტაჟსა და 2 მოკლემეტრაჟიან ფილმზე.

28 ნოემბრიდან 29 დეკემბრის ჩათვლით  სულ შემოვიდა 5 გეგმა-პროექტი, რომლებიც წარმოადგენდა   მხოლოდ მოკლემეტრაჟიანი ფილმის სცენარს. კონკურსის კრიტერიუმებს აკმაყოფილებდა 2 გეგმა – პროექტი. კონკურსანტების  თომა ჩაგელიშვილის და თამარ ბართაიას გეგმა-პროექტებმა მოკლემეტრაჟიანი ფილმების შესახებ მიიღეს მაღალი შეფასებები და დასახელდნენ გამარჯვებულ პროექტებად.  ვინაიდან საგაზეთო სიღრმისეულ რეპორტაჟზე არ შემოსულა განაცხადები, ამიტომ გრძელდება კონკურსი და საგაზეთო გეგმა – პროექტების წარდგენის საბოლოო ვადა იქნება 31 იანვარი.

საგაზეთო სიღრმისეულ რეპორტაჟზე კონკურსის პირობების შესახებ ინფორმაცია იხილეთ შემდეგ ბმულზე.

კონკურსი

 სამოქალაქო განვითარების ინსტიტუტის განცხადება

სამოქალაქო განვითარების ინსტიტუტი, გაეროს დემოკრატიის  ფონდის (UNDEF) მხარდაჭერით ახორციელებს პროექტს „მოქალაქე ჟურნალისტები გამჭვირვალე და   სამართლიანი არჩევნებისთვის“.

პროექტის საქმიანობაში ჩართული იყო 22 ჟურნალისტი საქართველოს 11 ქალაქიდან, რომლებმაც კოორდინირებულად გააშუქეს როგორც 2012 წლის 1 ოქტომბრის საპარლამენტო არჩევნების წინა პერიოდი, ასევე, არჩევნების დღე. წინასწარი გეგმის მიხედვით, არჩევნების თემაზე  110 სტატია უკვე დაიწერა და გამოქვეყნდა.

ამჟამად სამოქალაქო განვითარების ინსტიტუტი აცხადებს კონკურსს 3 საგაზეთო სიღრმისეულ რეპორტაჟზე, რომლებიც ვრცლად ასახავენ 2012 წლის 1 ოქტომბრის არჩევნებს (შესაძლებელია, მასალებში მოხვდეს როგორც არჩევნების წინა პერიოდი, ასევე – არჩევნების დღე და შემდგომი პერიოდიც).

კონკურსში მონაწილობს გეგმა–პროექტები, რომლებიც უნდა შედგებოდეს შემდეგი ნაწილებისაგან:

• პირველი ნაწილი: შესავალი, სადაც აღწერილი იქნება პრობლემა;
• მეორე ნაწილი: სტატიის სტრუქტურა;
• მესამე ნაწილი: სტატიის მომზადების გეგმა, რომელიც ემსახურება სტატიის წინასწარ შედგენილი სტუქტურის ხორცშესხმას (აქტივობები, დროში გათვლილი გრაფიკი, ბიუჯეტი)
• მეოთხე ნაწილი: წყაროები (ადამიანები, დოკუმენტები, ორგანიზაციები);
• მეხუთე ნაწილი – კვლევის გეგმა: ანალიტიკური ინსტრუმენტები, რომლის გამოყენებასაც აპირებს ჟურნალისტი (შედარებითი ანალიზი, რესპონდენტების დაბალანსებული სპექტრი, სტატისტიკური მონაცემები, ინფორმაციის განზოგადების კრიტერიუმები, მონაცემთა ქრონოლოგიური სპექტრი და ა.შ)
• მეექვსე ნაწილი: აპლიკანტის საარჩევნო თემატიკაზე მუშაობის გამოცდილების აღწერა.

განაცხადის მიღების ბოლო ვადა: 1 თებერვალი, 2013 წელი.

კონკურსანტებისთვის შედეგები 5 თებერვალს გახდება ცნობილი.

საბოლოო მედია–პროდუქტის წარმოდგენის ბოლო ვადაა 2013 წლის 15 აპრილი. კონკურსში გამარჯვებულ ჟურნალისტებს საშუალება ექნებათ, მუშაობის პროცესში კონსულტაციებისთვის მიმართონ მენტორს. საგრანტო კონტრაქტში, რომელიც გამარჯვებულ ჟურნალისტებთან გაფორმდება, დეტალურად იქნება განმარტებული, თუ რა სიხშირით და რა საკომუნიკაციო საშუალებებით შეძლებენ ისინი მენტორთან დაკავშირებას.

კრიტერიუმები, რომელთა გათვალისწინებით მოხდება საკონკურსოდ წარმოდგენილი გეგმა–პროექტის შერჩევა:

1. წარმოდგენილი პროექტის რეალისტურობა:

• შესასრულებელი სამუშაოს დასახულ ვადაში შესრულებადობა;
• ტექნიკური საშუალებების ხელმისაწვდომობა მოცემული სამუშაოს ფარგლებში შესასრულებელი ამოცანებისა და მოთხოვნილი ბიუჯეტის ფარგლებში;
• რესპონდენტებთან დაკავშირების და მათგან ადეკვატური ინფორმაციის მიღების შანსის რეალისტურად შეფასება;
• ბიუჯეტი, ერთი მხრივ, საკმარისი უნდა იყოს იმისათვის, რომ  დასახული ამოცანები შესრულდეს და, მეორე მხრივ, ბიუჯეტის მუხლები არ უნდა აღემატებოდეს საშუალო საბაზრო ფასებს;
• ბიუჯეტის მუხლები უნდა ემსახურებოდეს მხოლოდ დასახული ამოცანების შესრულებას და ეს უნდა იყოს მკაფიოდ ინტერპრეტირებული;
• განაცხადს აუცილებლად უნდა ახლდეს დროში გაწერილი სამოქმედო გეგმა და ბიუჯეტის თითოეული მუხლი უნდა იყოს ინტერპრეტირებული ამ სამოქმედო გეგმასთან შესაბამისობაში.

2.   ინფორმაციის წყაროების სიმრავლე და დაბალანსებულობა;

• ობიექტური ინფორმაციის მოპოვების შესაძლებლობა;
• ინფორმაციის წყაროს  ნამდვილობა და ამის დოკუმენტირების შესაძლებლობა, რაც საჭიროების შემთხვევაში შესაძლოა, იყოს გამოთხოვილი.

3. წარმოდგენილი პროექტის კრეატიულობა:

• როგორ არის სტრუქტურირებული;
• რამდენად იძლევა პროექტი დასმული ამოცანის თეორიული და პრაქტიკული ასპექტების დაბალანსებულად წარმოდგენის შესაძლებლობას;
• როგორ არის პრობლემა დასმული. რამდენად აქვს ჟურნალისტს პრობლემის სისტემური ხედვა.
• რამდენად ხედავს ჟურნალისტი ძირითადი პრობლემის მკვეთ პრობლემებს

4. ჟურნალისტის სამუშაო გამოცდილება მოცემულ სფეროში (ეს არის ერთ–ერთი დამატებითი კრიტერიუმი პროექტის რეალისტურობის და პოტენციური წარმატებულობის შესაფასებლად).

კონკურსში მონაწილეობა შეუძლია ნებისმიერ ჟურნალისტს და ორგანიზაციას, რომელსაც აქვს საარჩევნო თემაზე მუშაობის გამოცდილება (მათ შორის, იმ ჟურნალისტებს, რომლებიც უკვე არიან ჩართულნი პროექტის განხორციელებაში).

კონკურსის პირობები ითვალისწინებს წერილის წარმოდგენას რომელიმე მედიასაშუალებიდან, რომელიც ადასტურებს ამ მედიასაშუალების მზადყოფნას, გამოაქვეყნოს გრანტის ფარგლებში მომზადებული სიღრმისეული რეპორტაჟი.

თითოეული საგაზეთო პუბლიკაციისთვის გათვალისწინებულია   500 აშშ დოლარი (Gross).

დამატებითი ინფორმაციისათვის გთხოვთ, დაგვიკავშირდეთ:

info@cdi.org.ge; 0160, თბილისი, ვაჟა ფშაველას 7/7.

(+995)18 36 36; (+995) 99 54 50 84;

პატივისცემით,

ია ანთაძე

სამოქალაქო განვითარების ინსტიტუტი

 ტელეკომპანიების და საზოგადოების საინფორმაციო პრიორიტეტების შესაბამისობის კვლევა

სამოქალაქო განვითარების ინსტიტუტმა, ფონდ „ღია საზოგადოება – საქართველოს“ მხარდაჭერით, განახორციელა კვლევითი პროექტი, რომლის სახელწოდებაა: „ტელეკომპანიებისა და საზოგადოების საინფორმაციო პრიორიტეტების შესაბამისობის კვლევა წინასაარჩევნო პერიოდში“. პროექტის შინაარსი გულისხმობდა აპრილიდან ოქტომბრის ჩათვლით 7 ტელეკომპანიის მთავარი საინფორმაციო პროგრამის მონიტორინგს. მონიტორინგის საფუძველზე გამოვლინდება თითოეული ტელეკომპანიის მხრიდან საზოგადოებისთვის ყოველი ორი კვირის განმავლობაში ყველაზე ინტენსიურად მიწოდებული  თემა.

„მკვრივი“ თემების გამოვლენისთანავე მოხდება ამ თემების რანჟირება თბილისში რეპრეზენტაციულად შერჩეული 400 რესპონდენტის მიერ. ეს საშუალებას მოგვცემს, დავინახოთ ორი სურათი: რას აწოდებს მოსახლეობას ორი კვირის განმავლობაში ყველაზე ინტენსიურ თემად ესა თუ ის ტელევიზია და რას ირჩევს მნიშვნელოვან თემებად თბილისის მოსახლეობა.

წიგნში “ტელეკომპანიებისა და საზოგადოების საინფორმაციო პრიორიტეტების შესაბამისობის კვლევა“ თავმოყრილია აპრილიდან ოქტომბრის ჩათვლით მონიტორინგის 15-ვე პერიოდი. ასევე, ის ძირითადი ტენდენციები და მიგნებები, რაც გამოიკვეთა მონიტორინგის და საზოგადოების გამოკითხვის შედეგად.

2012 წლის 1და 2დეკემბერს ჩატარდა ტრენინგი: „კლასის მართვის თეორიული და პრაქტიკული ასპექტები“, ქ.თბილისში სასტუმრო `გეორგია~-ს საკონფერენციო დარბაზშიტრენინგში ჩართული იყვნენ: საჯარო და კერძო სკოლის  პედაგოგები. ტრენინგზე   კოორდინატორმა თამარ მოსიაშვილმა  მსმენელებს გააცნო პროექტის: „საქართველოს მასწავლებლები ბავშვზე ორიენტირებული სკოლისათვის“ მიზნები და ამოცანები, ქართველი ექსპერტების მიერ შემუშავებულ უსაფრთხო სკოლის პოლიტიკის დოკუმენტი და უსაფრთხო სკოლის კვლევის შედეგები..

აღნიშნული ტრენინგი ჩაატარა სამოქალაქო განვითარების ინსტიტუტის მწვრთნემა მანანა ბოჭორიშვილმა.

2012 წლის 1 და 2 დეკემბერს ქ.სენაკში საქართველოს საპატრიარქოს, ბერი ალექსი შუშანიას სახელობის მართლმადიდებლური სკოლა-გიმნაზიაში ჩატარდა აკრედიტებული ტრენინგი თემაზე: „კლასის მართვის თეორიული და პრაქტიკული ასპექტები“. ტრენინგი სკოლა-ლიცეუმის მიწვევით ჩატარდა სკოლის პედაგოგებისათვის, რომელიც ჩაატარა სამოქალაქო განვითარების ინსტიტუტის მწვრთნელმა ნათია ნამიჭეიშვილმა. ტრენინგის მონაწილეებს მრავალფეროვან სატრენინგო მასალასტან ერთად დაურიგდათ, სამოქალაქო განვითარების ინსტიტუტის მიერ პროექტ: „ბავშვზე ორიენტირებული სკოლის ადვოკატირება ფარგლებში მომზადებული გზამკვლევი.

ტელეკომპანიებისა და საზოგადოების საინფორმაციო პრიორიტეტების შესაბამისობის კვლევა 

(მე-15 პერიოდი: 12-25 ოქტომბერი, 2012 წ.)

იხილეთ კვლევა